jump to navigation

Van Biegblok na Kaalkop Julie 23, 2008

Posted by unobastardo in Trivia.
21 comments

Lank gelede het ek geskryf:

“I am a reader, not a writer

 I am a lover, not a fighter”

Ek het hierdie blog begin, maar ek kon nie altyd in woorde omsit wat in my kop en in my hart was nie. Nie terwyl ek geweet het ander oë sal dit ook lees nie – dit was net TE persoonlik. Ek het oor wyn, my passie geskryf, maar daar is ook net soveel om oor wyn te skryf. Toe ek ophou hier skryf, het Sonkind eendag lank met my gesit en praat, want sy ken my geskiedenis.

Na my vrou, Leah, verongeluk het, wou ek nie meer aangaan nie. Leah was my lewe. Destyds het my twee vriende my deur die swart dae gedra en aanbeveel dat ek neerskryf hoe ek voel. Vir die eerste keer het die donkerte gelig. Ek het dit uit my gestel geskryf, maar toe dit klaar was, was my woorde ook op.

Ek het daarna hierdie blog begin, maar ek het nie gevoel om my donkerste tye hier neer te skryf nie. Toe ek egter besluit om op te hou skryf, het ek onthou hoeveel my destydse skrywe so op my eie gehelp het, en daar is die gedagte van Biegblok gebore.

Ek het gedink dalk is daar iewers iemand wat dalk sal baat vind daarby om sy stryd, sy donkerte, sy diepste seer of sy diepste geheim iewers te kan neerskryf, sonder dat hy homself hoef bekend te stel. Sommer net Anoniem. Sommer net uit die hart uitskryf.

Tot my spyt het sommige narre Biegblok ook gebruik vir hulle eie kinderagtige snert, maar ek glo steeds dat die blog ‘n goeie doel gedien het, en as dit net EEN mens gehelp het, dan is dit vir my genoeg. Dit was vir my ‘n bittere slag toe ek besef iemand was so laag en gemeen om dit te delete. Gelukkig het ek ‘n paar van die posts in my Google Reader gehad en ek het gered wat ek kon.

Ek het ook met die WordPress mense kontak gemaak en hulle het my nou goeie raad gegee hoe om die blog te backup sodat ek nooit weer enige iets sal verloor nie. Ongelukkig is die domain naam, Biegblok, verlore. Dus het ek dit maar nou herdoop en kan julle weer gaan bieg by

kaalkop.wordpress.com

Net soos die armes, sal ons die armes van gees ook altyd met ons hê. Laat ons maar net hoop diegene sal die nuwe biegblok met rus laat.

Dankie vir almal van julle wat dit tot dusver opreg ondersteun het 🙂

Advertisements

Au Revoir Desember 28, 2007

Posted by unobastardo in Trivia.
18 comments

Daar is ‘n tyd om te kom en ‘n tyd om te gaan. Ek het met die uitloop van die jaar besef dat ek nie ‘n goeie skrywer is nie.

“I am a lover, not a fighter.

I am a reader, not a writer.”

Of dalk het ek nie die stamina om in te sit om ‘n goeie skrywer te word nie. Ek het die woorde, maar dis die ‘link’ van my kop na die bladsy wat te onstandvastig is, amper soos Telkom se lyne, soms.

Ek is ook nie ‘n goeie vriend nie. Of ‘partner’ nie. Ek dink ek loop my paadjie al te lank alleen. En toe ek hom nie alleen geloop het nie, het ek hom saam met iemand geloop wat geweet het dat ek eintlik ‘n alleenloper is, maar dat ons liefde gemaak het dat ek ‘n uitsonderlike pad geloop het.

Maar nou loop ek hom weer alleen en ek wil net my pad deel wanneer ek lus het, en daarom is ek ‘n slegte maat vir enigiemand. Dus is dit beter om alleen te loop, dan kry niemand seer nie.

Vir die wat hier kom lees het, vir die wat my vriende geword het, en sommer net vir almal by wie ek soms kon gaan stil sit en lees, dankie! Ek het geleer en wyser geword. En ek sal aanhou lees. maar nie meer aan hou skryf nie.

Ek maak nie die deure hier toe nie, ek neem net ‘n siesta. As ek op interessante wyn dinge afkom, sal ek dit hier kom deel. Met vergunning van die oorspronklike skrywers.

Mag 2008 vir elkeen van julle net die beste bring! Au revoir!

Too good to resist! Desember 10, 2007

Posted by unobastardo in Trivia.
2 comments

The Value of a Drink

“Sometimes when I reflect back on all the wine I drink
I feel shame. Then I look into the glass and think

about the workers in the vineyards and all of their hopes
and dreams
. If I didn’t drink this wine, they might be out
of work and their dreams would be shattered.
Then I say to myself, “It is better that I drink this wine and let their

dreams come true than be selfish and worry about my liver.”
~ Jack Handy


WARNING: The consumption of alcohol is a major factor in dancing like a retard.
~~~~~~~~~~~~~~~~~~~~~~~~~~~~~~~~~~~~~~~~~~~~~~
“I feel sorry for people who don’t drink. When they
wake up in the morning, that’s as good as they’re
going to feel all day. ”

~Frank Sinatra


WARNING: The consumption of alcohol may create the illusion that you are tougher, smarter, faster and better looking than most people.
~~~~~~~~~~~~~~~~~~~~~~~~~~~~~~~~~~~~~~~~~~~~~~

“When I read about the evils of drinking, I gave up reading.”

~ Henny Youngman


WARNING: The consumption of alcohol may lead you to think people are laughing WITH you.
~~~~~~~~~~~~~~~~~~~~~~~~~~~~~~~~~~~~~~~~~~~~~~
“24 hours in a day, 24 beers in a case. Coincidence? I think not.”
~ Stephen Wright

WARNING: The consumption of alcohol may cause you to think you can sing.
~~~~~~~~~~~~~~~~~~~~~~~~~~~~~~~~~~~~~~~~~~~~~~
“Without question, the greatest invention in the
history of mankind is beer. Oh, I grant you that the

wheel was also a fine invention, but the wheel does
not go nearly as well with pizza.”
~ Dave Barry


WARNING: The consumption of alcohol may cause you to tell your friends over and over again that you love them.
~~~~~~~~~~~~~~~~~~~~~~~~~~~~~~~~~~~~~~~~~~~~~~
To some it’s a six-pack, to me it’s a Support Group. Salvation in a can!
~ Dave Howell

WARNING: The consumption of alcohol may make you think you can logically converse with members of the opposite sex without spitting.
~~~~~~~~~~~~~~~~~~~~~~~~~~~~~~~~~~~~~~~~~~~~~~

And saving the best for last, as explained by Cliff Clavin,of Cheers.
One afternoon at Cheers, Cliff Clavin was explaining the BuffaloTheory to his buddy Norm.
Here’s how it went:


“Well ya see, Norm, it’s like this… A herd of buffalo can only move as fast as the slowest buffalo. And when the herd is hunted, it is the slowest and weakest ones at the back that are killed first This natural selection is good for the herd as a whole, because the general speed and health of the whole group keeps improving by the regular killing of the weakest members. In much the same way, the human brain can only operate as fast as the slowest brain cells. Excessive intake of alcohol, as we know, kills brain cells. But naturally, it attacks the slowest and weakest brain cells first. In this way, regular consumption of beer eliminates the weaker brain cells, making the brain a faster and more efficient machine. That’s why you always feel smarter after a few beers.”

WARNING: The consumption of alcohol may make you think you are whispering when you are not!

Paarliete kuier my klaar! Desember 2, 2007

Posted by unobastardo in Trivia.
13 comments

Dis nou al geruime tyd dat daar sprake is van ‘n braai, waar ek vir Sonkind en Basil sou ontmoet en sommer net ‘n slag lekker sal kuier. Ek is maar soort van ‘n alleenloper en loop altyd eers draaie om ‘n kuier met vreemde mense, maar mens kan ook net soveel verskonings uitdink en dan nie meer nie.

So, gister is ek toe deur ‘n goeie vriend van my, wat ook ‘n skoolmaat van Sonkind is, doodeenvoudig saamgesleep oor die berg, Paarl toe, vir die lank beplande kuier. maar eers het ons ‘n ander draai gegooi, wat ek net vlugtig hier sal noem, want ek dink iemand anders sal eerder daardie storie wil vertel.

Martin, ‘n ander vriend, het 2 weke terug sy skipperslisensie gekry en gister is ons toe almal ingewy deur ‘n rit uit op die boot, by Yzerfontein. Dit was ‘n mooi dag, met effense wind, maar Yzerfontein is prentjie mooi. Die uitgaan met die boot was heel skaflik, maar ek is nie ‘n ou wat sommer vir ure op die see kan wees nie – kry so ‘n effense snaakse kol op die maag!

Van daar af is ons almal terug Paarl toe en ek was nie een oomblik spyt ek het my laat uitsleep uit my groef nie. Dit was net te lekker. Ek het dit reggekry om 2 fotos te neem, maar het toe verder so lekker gekuier en gedans dat ek skoon van my kamera vergeet het. Die fotos is eintlik skandelik, want dit wys net al die drank!

1dec07-001.jpg

Die pienk goed hier voor, is vrek lekker. Dit was eintlik Son s’n, maar ek het haar mooi gehelp om dit klaar te maak!

1dec07-002.jpg

Die wyn is nie myne nie, dis al wat ek weet. Gelukkig het Martin die brandewyn buite by die braai gehou!

Paarliete, dankie vir ‘n lekker dag en aand, goeie geselskap, goeie kos en hopeloos te veel drank! Volgende keer kom julle plaas toe. Son, ek sal daai dansie nie gou vergeet nie!  

8 Dinge oor die Bastard. November 27, 2007

Posted by unobastardo in Trivia.
6 comments

As gevolg van Dellie se tag, moet ek nou hier 8 dinge oor myself vertel. Dit gaan maar donder, want meer dae het ek nie eers veel te sê nie, wat nog van AGT dinge. Maar ek sal in die gees van die feesgety maar saamspeel!

1. Ek het een blou oog en een groen oog. Regtig. Maar dis nie altyd ewe duidelik nie, want my oë verander van kleur, afhangende van die weer.

2. Ek is in Engeland gebore, maar het in Suid-Afrika grootgeword. Maar my ouers is altwee Suid-Afrikaners.

3. Ek het ‘n tweeling suster, wat in Arkansas bly.

4. Ek was die een wat in matriek, met 40 days, die gang se venster oopgelos het, sodat ons laatnag in die skool kon inbreek en  alles regkry vir die 40 days viering die volgende dag. Gelukkig het die skool nie destyds ‘n alarmstelsel gehad nie.

5. My beste vriend is op die grens deur ‘n landmynontploffing dood. Ek het slegs my oordrom verloor in dieselfde ontploffing.

6. Ek is met my skoolkys getroud. Was, want sy is oorlede.

7. Ek hou nie regtig van rooiwyn nie. Vir my is dit ‘n aangeleerde smaak. Ek verkies brandewyn, skoon, op ys.

8. Ek is mal oor fliek kyk, enige fliek, selfs “chick flicks”.

Die wat ek wou tag, is reeds getag, so SORRY!

Drie Vrae ??? November 20, 2007

Posted by unobastardo in Trivia.
12 comments

Die wingerd hou my besig en die weer wil-wil net nie saamspeel nie. So tyd om hier te kuier is min. Dis amper die einde van die jaar, dis ‘n mal tyd. Ek het vandag net drie vrae vir elkeen wat hier kom inloer. Twee vrae is realiteit en een vraag is ‘n sê-nou-maar vraag?

  1. Wat sou jy wou verander het in die jaar wat verby is?
  2. Wat gaan jy DEFINITIEF in 2008 doen? (Nie nuwejaarsvoornemens nie, want dit hou gewoonlik nie. Wat weet jy met totale sekerheid gaan jy BESLIS doen?)
  3. Sê nou maar reinkarnasie bestaan; wat sou jy wil wees in jou volgende lewe en wat dink jy was jy in jou vorige lewe? (Okay, okay, dis ‘n twee-in-een-vraag)

Druiwegroete uit die Boland!

SVNL minus the VNL November 15, 2007

Posted by unobastardo in Trivia.
5 comments

Net om te bewys Trossie praat darem nie altyd NET oor wyn nie!

Results of a recent research shows that there are 7 kinds of sex.

The 1st kind of sex is called: Smurf Sex.
* This kind of sex happens when you first meet someone and you both have sex until you are blue in the face.

The 2nd kind of sex is called: Kitchen Sex.
* This is when you have been with your partner for a short time and you are so needy you will have sex anywhere, even in the kitchen.

The 3rd kind of sex is called: Bedroom Sex.
* This is when you have been with your partner for a long time. Your sex has gotten routine and you usually have sex only in your bedroom.

The 4th kind of sex is called: Hallway Sex.
* This is when you have been with your partner for too long. When you pass each other in the hallway you both say “screw you.”

The 5t h kind of sex is called: Religious Sex.
* Which means you get Nun in the morning, Nun in the afternoon and Nun at night. (Very Popular)

The 6th kind is called Courtroom Sex.
* This is when you cannot stand your wife any more. She takes you to court and screws you in front of everyone.

And; Last, but not least,
The 7th kind of sex is called: Social Security Sex.
* You get a little each month. But not enough to enjoy your self.

Flaters of Feite? Oktober 30, 2007

Posted by unobastardo in Trivia.
12 comments

Ek lees baie en gereeld meer as een boek of tydskrif tegelyk. En so elke nou en dan besluit ek dis nou eers weer tyd om my kantoor, my studeerkamer en sommer net die huis in die algemeen van hoek tot kant deur te gaan en my boek en tydskrif hopies uit te sorteer. Die naweek was nou weer een van daardie tye.

Die spreekwoordelike “hulle” sê nie verniet as mens iets wil weet wat niemand anders weet nie, lees dieselfde tydskrifte as almal, maar net een jaar later. Terwyl ek so skoonmaak, hak ek gewoonlik vas by van die ou tydskrifte en lees artikels wat ek die eerste keer gemis het of dalk net weer wil lees, of dalk wil bêre. So word die hele uitsorteer proses later eintlik net ‘n verskuiwing van een hopie na ‘n ander, van een hoek na ‘n ander, want ek gooi baie moeilik ‘n leesding weg.

Met dié kom ek dan ook af op die volgende in ‘n Taalgenoot van 2005 en ek dink julle sal dit nogal geniet. (met erkenning aan Taalgenoot en Ilse Salzwedel.)

In hierdie eeu van ons waarin feitlik alles deur rekenaars beheer of beïnvloed word, is dit nogal lagwekkend om te sien wat kenners destyds alles oor die toekoms van die rekenaar te sê gehad het:

  • “Ons sien Windows nie as ‘n langtermyn grafiese raakvlak (interface) vir die massas nie,” – ‘n amptenaar by Lotus Software Development gedurende die demonstrasie van ‘n nuwe DOS-weergawe in 1989.
  • “Daar is geen rede vir enigiemand om ‘n rekenaar in sy huis te wil hê nie,” – die gevleuelde woorde van Ken Olsen, president en stigter van Digital Equipment Corporation, in 1977.
  • “Maar waarvoor is dit goed?” wou ‘n ingenieur by IBM in 1968 weet, oor die mikroskyfie.
  • “Ek het die lengte en breedte van hierdie land deurkruis en met die beste mense gepraat en ek kan julle verseker dat datavaslegging ‘n gier is wat nie hierdie jaar gaan oorleef nie.” – die redakteur in beheer van boeke oor sake-aangeleenthede by Prentice Hall in 1957.
  • “Ek dink daar is ‘n wêreldmark vir miskien vyf rekenaars,” – Thomas Watson, voorsitter van IBM, in 1943.

‘n Paar ander interessanthede wat maar eerder ongesê moes gebly het:

  • “Kontak oor die kleurgrens heen is welkom, solank as wat die motief daarvoor verdere skeiding van die rasse is,” – Carel de Wet, minister van gesondheid in 1971.
  • “Ons het vrouelede. Hoe kan ‘n organisasie ‘n geheime organisasie wees as dit vroue as lede het?” – Willem de Vos van die Afrikaner Onderwyserskultuurorganisasie (AOK), toe hy oor die geheime status van dié sogenaamde regsgesinde organisasie uitgevra is.
  • “Om te lieg is niks nuut nie. Dit is oral ter wêreld aanvaarbaar. Ekself dink glad nie dis so ‘n slegte ding nie,” – Ndaweni Mahlangu, premier van Mpumalanga, in 1999.
  • “Mevrou Winnie Mandela sit rubber om mense. Ek sit rubber binne in mense.” – Michelle Bruce, voormalige Mej. Suid-Afrika, in 1994, oor die reeks kondome wat sy bemark het.
  • “‘n Man kan en mag meer as een vrou liefhê. Die Bybel verbied dit nie. Salomo het duisende vroue gehad. God het nie gesê dit is sonde nie.” – Wyle Bles Bridges oor sy verhouding met Marietjie van Heerden.

Tong in die kies of voet in die mond? Ja, was stilbly maar eerder die antwoord!

Kaneel se storie Oktober 27, 2007

Posted by unobastardo in Trivia.
16 comments

My nooi is in ‘n nartjie, my ouma in kaneel…

ceylon-cinnamon.jpg

In ‘n goeie Merlot vind jy soms ‘n neus vol kaneel. Wat is kaneel en waar kom dit vandaan?

Dit is Rome, in die jaar 65 nC en die mense sien ‘n dik, donker wolk oor Rome hang, met ‘n soet reuk wat in die lug hang. Is Rome besig om te brand? Nee, dit is net koning Nero wat sy vrou, Poppaea Sabina begrawe. Vir haar begrafnis brand hy ‘n hele jaar se voorraad kaneel op.

Nero het Poppaea verskriklik liefgehad. So lief dat hy selfs sy ma, Agrippina, vermoor het sodat hy met Poppaea kon trou. Maar nou is Poppaea dood en Nero kies om haar te begrawe met kaneel.

En eintlik was dit verskriklik spandabelrig, want in daardie tyd het een pond kaneel 300 denares gekos. En 300 denares was gelyk aan 10 maande se loongeld. Dus was kaneel baie waardevol – ‘n geskenk vir ‘n koning, ‘n offerande vir ‘n gestorwe geliefde.

Al reeds 2000 jaar voor Christus het die Egiptenare kaneel uit China ingevoer. Ook in die Bybel word kaneel genoem. God beveel vir Moses, in Eksodus 30 vers 23, om kaneel en kassie te gebruik om ‘n gewyde salfolie te maak. In Spreuke 7 verse 16-17 maak die minnaar vir sy geliefde ‘n spesiale bed. “Ek het ‘n deken oor my bed gegooi, ‘n deken van bont Egiptiese linne; ek het my bed besprinkel met mirre, aalwyn en kaneel.”

Waar kom kaneel dan vandaan? Herodotus, ‘n klassieke skrywer, vertel ‘n wonderlike verhaal oor die oorsprong van kaneel. Hy het gehoor van groot voëls wat nesmaak in die hoogste bergpieke. Die neste is gemaak van kassie en kaneel. Die neste was te hoog vir mense om tot daar te klim en hulle moes ‘n ander plan maak om by die neste te kom. Die mense los toe groot stukke vleis op die grond naby die neste. Die voëls sou dan afvlieg, die stukke vleis oppik en terugvlieg na hul neste toe. Maar die vleis was te swaar vir die neste. Dit het gebreek, afgeval en die mense kon dan die kassie en kaneel op die grond bymekaarmaak.

Suid-Afrika se verhaal as kolonie loop byna parallel met die stryd om beheer van die kaneel-industrie in Ceylon aan die einde van die vyftiende eeu. Net soos hier, was die Portugese ook eerste daar en in 1518 bou hulle ‘n fort op die eiland. Vir meer as ‘n eeu behou hulle die monopolie.

Maar in 1638 lei die Hollanders se neuse hulle na Ceylon se kaneel en teen 1658 het die Hollanders ontslae geraak van die Portugese. ‘n Hollandse kaptein het glo geskryf: “Die strande van die eilande is vol daarvan en dit is die beste in die Ooste. Wanneer ‘n mens wind-af van die eiland is, kan jy steeds die kaneel ruik – selfs so ver as agt myl die see in.”

Die Hollanders het geëksperimenteer om die beste oesmetodes vir kaneel te kry en het later hulle eie bome gekweek. Maar teen 1796 neem die Britte die beheer van die eiland oor by die Hollanders. Daar was egter nie meer veel sprake van ‘n kaneel-monopolie nie, want kaneelbome is intussen suksesvol aangeplant in ander gebiede en gebruikers het begin om die meer algemene kassie-stam as plaasvervanger vir kaneel te gebruik.

Wat is kaneel nou eintlik? ‘n Stukkie pypkaneel lyk soos ‘n stokkie; ‘n stukkie sjokoladekleurige bas. Beweeg die stokkie voor jou neus verby, dan gee hy sy geheim weg – die onmiskenbare reuk van kaneel.

Kaneel is ‘n spesery wat kom van die binneste bas van ‘n klein immergroen boompie (Cinnamomum verum), inheems aan Sri Lanka en Suid-Indië. Die boompies word 10 tot 15 meter hoog. As die boompies 2 jaar oud is, word hulle afgesny, maar in die jaar daarna groei daar weer omtrent ‘n dosyn lote by die wortels uit. Die bas word van die lote afgestroop en gedroog. Net die binneste dun bas (ongeveer 0.5 mm) word gebruik, die buitenste hout gedeelte word verwyder. Dan bly daar lang kaneelstroke oor wat in rolle opkrul as dit droog word. Dié word dan weer opgesny in 5 tot 10 cm lang stokkies en net so verkoop.

Die beste kaneel in die wêreld kom van Sri Lanka. Dit word egter ook verbou in Tellicherry, Java, die Wes-Indiese Eilande, Brasilië en Egipte. Kaneel van Sri Lanka is fyn, het ‘n dun, gladde bas met ‘n ligte geelbruin kleur, ‘n welriekende geur en ‘n besonderse soet, warm en aromatiese smaak.

Die blare is langwerpig en ovaal, tussen 7 en 18 cm lank, met ‘n groenerige kleur wat blykbaar glad nie te lekker ruik nie. Die geur van die kaneel kom van ‘n aromatiese olie wat minder as 1% van die plant uitmaak. Die bas word rofweg gemoker, in seewater geweek en daarna vinnig gedistilleer om die olie te verkry. Die olie is goudgeel, met die kenmerkende kaneelgeur.

In Suid-Afrika is reëndae gelyk aan pannekoek met kaneel. Melktert sonder kaneel is ondenkbaar. Die Voortrekkers het ook kaneel gebruik om verkoues te genees en ook om diarree te behandel. En as jy volgende keer nie muskietweerder by jou het nie, kan jy maar kaneel gebruik as insekweerder!

Die woord “kaneel” het saam met die Hollanders Kaap toe gekom. Die Engelse woord cinnamon kom van die Griekse woord kinnámomon, en dit herinner ook aan die Hebreeuse woord, qinnâmôn. Die Maleiers en Indonesiërs verwys na kaneel as kayu manis, oftewel soet hout.

Kassie (Cinnamomum aromaticum) is familie van kaneel (Cinnamomum verum) en word eintlik Chinese kaneel genoem. Die gedroogde bas van kassie word ook as ‘n spesery gebruik. By kassie word egter die hele tak en klein boompie geoes vir bas. Die kassie-bas is ‘n baie dikker en growwer tekstuur as regte, egte kaneel. Die kaneel wat in die VSA en Kanada verkoop word, is eintlik kassie. Dit word dan ook  gemerk as “Indonesiese kaneel” om dit te onderskei van ware kaneel. Die Meksikane en Europeërs verkies egter ware kaneel.